Солтүстік Қазақстан газеті

ТҮЗЕУ МЕКЕМЕСІ ТЫС ҚАЛМАДЫ

Печать PDF

№ 116 (21333) Сенбі, 29 қыркүйек 2012 жыл

argaiv1977

Бұрнағы күні Петропавлда былтыр ашылған ЕС-164/6 түзеу мекемесінде, яғни әйелдер колониясында жазасын өтеп жатқандар Қазақстан халқы тілдері фестивалінен сырт қалмай, мәдени іс-шара өткізді.
Сайыс барысында мекемедегі әйелдердің дені өнерлі екендігін дәлелдеп, сахнада ән салып, би биледі. Ал фестивальдың негізгі бөлімінде қыз ұзату, келін түсіру секілді халқымыздың салт-дәстүрлерінен үзінділер келтірілді. Сондай-ақ әр халықтың ұлттық тағамдарынан дәм ұсынылып, ұлттық киімдер тамашаланды. Бір айта кетерлігі, шараға арнайы әзірленген ұлттық киімдерді жазасын өтеуші келіншектер өз қолдарымен тігіпті. Он саусағынан өнер тамған шеберлердің қолдарынан шыққан қолөнер бұйымдары көрмесі көрермен көңілінен шықты.
Баршаға көтеріңкі көңіл күй сыйлаған концерттік бағдарлама кешті шырайландыра түсті.

ЕС-164/6 түзеу мекемесінің баспасөз қызметі.

ҚОШ БОЛ, ҚАРУ!

Печать PDF

№ 116 (21333) Сенбі, 29 қыркүйек 2012 жыл

Жедел-алдын алу шарасы барысында полицейлер заңсыз қару сақтаудың екі фактісін әшкереледі.
Ұйымдасқан қылмысқа қарсы күрес басқармасының мамандары түскен ақпарат бойынша облыс орталығында тексеріс шарасын жүргізу нәтижесінде “Рахат” ЖШС-нің сауда өкілінің жалға алған жеке тұрғын үйінен зауыттық нөмірі жоқ “Револьвер” пистолеті, 29 гильза, 2 оқ табылды. 43 жастағы Петропавл қаласы тұрғынының айтуынша, бұл оққаруды ол өзі жалдап тұратын Ленинград көшесінде орналасқан жер үйден тауып алған. Қазір сараптама жұмыстары жүргізілуде.
Заңсыз қару сақтау оқиғасы Ғ.Мүсірепов атындағы ауданның Чистополье ауылында екінші мәрте тіркеліп отыр. Учаскелік инспектор Болат Садупов осы ауылдың бір тұрғынының қора-қопсысын тексеру кезінде жасырулы тұрған шолақ мылтықты тауып алған. Сараптама қорытындысына сәйкес бұл “ИЖ” маркалы қарудың негізінде жасалған атуға жарамды 16 калибрлі шолақ мылтық болып шықты. Бұған дейінгі заңсыз қару ұстау фактісі де Болат Садуповтың қырағылығы нәтижесінде анықталған. Ауылдың тағы бір тұрғыны аңшы мылтығының оқпанын үйде сақтаған. Осыған орай әкімшілік іс қозғалып, ауыл азаматы сот шешімімен бір айлық есептік көрсеткіш көлемінде айыппұл төледі.
Шара барысында қару ұстайтын 7524 адам тексеріліп, жалпыға ортақ ережені бұзғандарынан 81 мылтық тәркіленді.

СҚО ІІД-нің баспасөз қызметі.

Страница 242 из 242